Tónleikar á Dyngju

Síðustu tónleikar skólaársins á hjúkrunarheimilinu Dyngju fóru fram þriðjudaginn 23. maí. Tónleikarnir voru vel sóttir af íbúum og var þetta afskaplega ljúf stund hjá okkur. Á tónleikunum mátti heyra ukulelehóp, píanóleikara og söngvara og fluttu þessir nemendur fjölbreytta og skemmtilega efnisskrá þar sem heyra mátti þjóðlög og dægurlög í bland við sígilda tónlist. Samstarfið við Dyngju er sérstaklega ánægjulegur hluti af skólastarfinu hjá okkur og það er gott fyrir nemendur að geta komið fram og að hafa svona jákvæð áhrif á samfélagið. Við þökkum Dyngju kærlega fyrir samstarfið í vetur og hlökkum til að koma aftur í heimsókn í haust!