Jólaföndur

Foreldrafélag Egilsstaðaskóla hélt hið árlega jólaföndur þriðjudaginn 12. desember og fórum við með nokkra nemendur á miðstigsgang Egilsstaðaskóla til að syngja og spila jólalög af því tilefni. Margmenni var á viðburðinum og ljóst að krakkarnir skemmtu sér mjög vel við ýmsa jólalega iðju. Nemendur tónlistarskólans spiluðu á píanó og gítar og vöktu mikla lukku með flutningi sínum á fjölbreyttu úrvali jólalaga frá mörgum mismunandi löndum. Við þökkum foreldrafélaginu kærlega fyrir að bjóða okkur að vera með á þessum skemmtilega viðburði, en það er alltaf mjög gott fyrir nemendur okkar að fá tækifæri til að koma fram við hinar fjölbreyttustu aðstæður.