Hópatónleikar

Tónlistarskólinn hélt sína árlegu hópatónleika fimmtudaginn 20. maí kl. 17:00 og 18:00 í sal Egilsstaðaskóla. Hópatónleikarnir voru upprunalega hugsaðir sem forskólatónleikar, en forskólanemendur í skólanum eru margir og mikið umstang í kringum þá þegar þeir koma fram, þannig að það var ákveðið að hafa sérstaka tónleika fyrir þá. Tónleikarnir þróuðust þannig að nú eru fleiri gerðir af hópatriðum á tónleikunum líka, og í þetta sinn voru einnig margir sönghópar að koma fram. Nemendurnir stóðu sig alveg frábærlega á tónleikunum og það var t.d. gaman að sjá hversu fjölbreytt úrval af hljóðfærum forskólakrakkarnir spreyttu sig á auk flottra söngatriða. Frábær stund!