Eurovisiontónleikar

Lúðrasveit Fljótsdalshéraðs hélt Eurovisiontónleika í Sláturhúsinu laugardaginn 16. maí. Var sveitin prúðbúin í glimmeri og pallíettum og lék bæði íslensk og erlend Eurovisionlög sem komu út á tímabilinu 1967-2025, öll í tímaröð. Hljómsveitarstjórar voru Sóley Þrastardóttir og Krzysztof Romanowski, auk þess að sá síðarnefndi lék einleik á trompet í laginu Amar Pelois Dois. Óhætt er að segja að hljómsveit, sem og áheyrendur, hafi skemmt sér konunglega á tónleikunum. Lúðrasveitinni hefur vaxið fiskur um hrygg undanfarin ár og telur nú 16 meðlimi. Hún tekur alltaf fagnandi á móti nýjum spilurum, svo það er um að gera að hafa samband við okkur!

Við þökkum Sláturhúsinu síðan kærlega fyrir stuðninginn og samvinnuna!