Fiðlumasterclass með Martin Frewer

Á föstudaginn fékk Tónlistarskólinn frábæra heimsókn frá Martin Frewer, fiðluleikara. Hann kom og kenndi fiðlunemendum um morguninn og var það mjög lærdómsríkt fyrir þau. Hann er okkur að góðu kunnur því hann kom einmitt á strengjamótið á Egilsstöðum síðasta haust og stjórnaði einni af strengjasveitnunum þar. Martin var á Austurlandi ásamt Hlíf Sigurjónsdóttur, en saman skipa þau Duo Landon sem var með tónleika í Tónlistarmiðstöðinni á Eskifirði um kvöldið. Hópur frá Tónlistarkólanum sótti þá tónleika, en efnisskráin var fjölbreytt og skemmtileg. Við þökkum Tónlistarmiðstöð Austurlands innilega fyrir að fá Martin og Hlíf hingað og þökkum Duo Landon kærlega fyrir komuna!