Finnum taktinn

Nokkrir nemendur Tónlistarskólans lögðu leið sína á Eskifjörð sunnudaginn 18. nóvember, en þann dag bauð Tónlistarmiðstöð Austurlands upp á námskeið er nefndist „Finnum taktinn.“ Jón Hilmar Kárason leiddi námskeiðið, sem fjallaði um spuna, sóló, framkomu á sviði og að takast á svið sviðshræðslu. Það er frábært að Tónlistarmiðstöðin skuli bjóða upp á ýmis námskeið til þess að vikka sjóndeildarhringinn hjá nemendum og gott fyrir nemendur að fá tækifæri til þess að læra af fleiri kennurum en þeim sem þeir hitta í hverri viku. Það er óhætt að segja að nemendur hafi komið heim margs vísari og þökkum við fyrir okkur!