Fjölbreyttir og skemmtilegir tónleikar í Dyngju

Nemendur héldu aðra tónleika skólaársins í Dyngju þriðjudaginn 24. október. Efnisskráin var fjölbreytt og skemmtileg og léku nemendur á þverflautu, klarínettu, saxófón, trompet, gítar og píanó. Íbúar fengu meðal annars að heyra atriði sem verða flutt á Sembalhátíðinni í Vallanesi nú á fimmtudag, þó reyndar án sembals. Nemendur, jafnt byrjendur sem lengra komnir, stóðu sig með prýði  og voru þetta fyrstu tónleikar sumra þeirra á sín hljóðfæri. Móttökur voru góðar sem endranær og hlökkum við sannarlega til að fara aftur í Dyngju þann 28. nóvember.