Forskóla- og hópatónleikar

Tónlistarskólinn hélt sína fyrstu forskóla- og hópatónleika miðvikudaginn 26. maí í hátíðarsal Egilsstaðaskóla. Tónleikarnir eru nýjung hjá skólanum og áttu sér stað ekki síst vegna þess að fjöldatakmarkanir á viðburðum hafa orðið til þess að við höfum þurft að takmarka fjölda flytjenda á tónleikum skólans, til dæmis á vortónleikunum. Þessi nýlunda var lærdómsrík fyrir kennara skólans ekki síður en nemendur, en við endurtökum líklega leikinn að ári. Allir flytjendur á tónleikunum voru nemendur í fyrsta til þriðja bekk og voru margir þeirra að stíga á svið í fyrsta sinn. Það var mjög gaman að sjá hvað krakkarnir stóðu sig vel!