Forskólatónleikar

Tónlistarskólinn hélt forskólatónleika fimmtudaginn 18. desember í Egilsstaðakirkju. Á tónleikunum komu fram allir forskólahópar skólans, en þeir samanstanda af nemendum úr 1. og 2. bekk. Fyrir marga nemendur, sérstaklega þá sem eru í 1. bekk, var þetta fyrsta skiptið sem þau koma fram á tónleikum á vegum skólans, sem er auðvitað stórt skref og gaman að sjá hvað þau gerðu það vel. Það var líka sérstaklega gaman að sjá að margir hópanna fluttu frumsamin atriði, en það er heilmikil vinna að æfa ekki bara lag, heldur semja það líka! Við óskum forskólanemendunum og foreldrum þeirra innilega til hamingju með tónleikana!