Forvalstónleikar fyrir Nótuna 2017

Mánudagskvöldið 27. febrúar kl. 19:00 verða haldnir tónleikar í Egilsstaðakirkju þar sem þau atriði sem Tónlistarskólinn sendir á svæðistónleika Nótunnar fyrir Norður- og Austurland verða valin. Atriði eru í fjórum flokkum: grunnámi, miðnámi, framhaldsnámi og opnum flokki. Valið verður að minnsta kosti eitt atriði úr hverjum flokki og ef til vill tvö úr einhverjum þeirra. Í þetta sinn verður áhorfendum gert kleift að hafa áhrif á valið ásamt kennurum skólans, en efnisskrá tónleikana mun jafnframt vera kjörseðill. Í lok tónleikanna verða atkvæði talin og þau atriði sem fara áfram á svæðistónleikana tilkynnt og nemendum veittar viðurkenningar.