Forvalstónleikar fyrir Nótuna 2018

Mánudagskvöldið 29. janúar kl. 18:00 verða tónleikar í Egilsstaðakirkju þar sem valin verða þau atriði sem Tónlistarskólinn sendir á svæðistónleika Nótunnar fyrir Norður- og Austurland í Hofi á Akureyri þann 9. febrúar. Atriði eru í fjórum flokkum: grunnámi, miðnámi, framhaldsnámi og opnum flokki. Valið verður að minnsta kosti eitt atriði úr hverjum flokki og ef til vill tvö úr einhverjum þeirra. Líkt og í fyrra verður áhorfendum gert kleift að hafa áhrif á valið ásamt kennurum skólans, en efnisskrá tónleikana mun jafnframt vera kjörseðill. Í lok tónleikanna verða atkvæði talin, þau atriði sem fara áfram á svæðistónleikana tilkynnt og nemendum veittar viðurkenningar.