Frábær árangur á lokahátíð Nótunnar 2018

Verðlaunahafar Nótunnar 2018

Það var mikið um dýrðir í Eldborgarsal Hörpu á sunnudaginn, en þá fór fram lokahátíð Nótunnar 2018. Tuttugu og fjögur glæsilega flutt tónlistaratriði voru í boði fyrir áheyrendur og voru þrjú þeirra frá Tónlistarskólanum á Egilsstöðum. Maria Anna Szczelina, Joanna Natalia Szczelina og Kristófer Gauti Þórhallsson komu fram fyrir hönd okkar og spiluðu öll frábærlega. Voru þau öll skólanum til mikils sóma og erum við afar stolt af þeim. Maria Anna gerði sér svo lítið fyrir og hlaut verðlaun fyrir framúrskarandi flutning í flokki einleiksatriða í grunnnámi. Það er mikill heiður og óskum við henni innilega til hamingju með árangurinn!