Frábær árangur nemenda á Barkanum

Nemendur Tónlistarskólans á Egilsstöðum röðuðu sér í efstu sætin í Barkanum, söngkeppni Menntaskólans á Egilsstöðum, sem haldinn var í Valaskjálf þann 26. janúar. Í efsta sæti voru Karen Ósk Björnsdóttir, Ragnhildur Elín Skúladóttir og Soffía Mjöll Thamdrup með lagið Benny and the Jetz eftir Elton John. Sóley Arna Friðriksdóttir hafnaði í öðru sæti með lagið Barracuda með Heart. Í þriðja sæti var Soffía Mjöll Thamdrup með lagið Hurt með Christinu Aguilera, en áðurnefnd Ragnhildur Elín spilaði með á fiðlu í því lagi ásamt Rán Finnsdóttur, sem einnig er nemandi í Tónlistarkólanum. Allir þessir nemendur nema söng hjá Margréti Láru Þórarinsdóttur.