Framúrskarandi tónlistarnemendur útskrifast

Nemendur tónlistarskólans taka virkan þátt í hátíðlegum viðburðum á Fljótsdalshéraði, en þau Kristófer Gauti Þórhallsson, Rán Finnsdóttir og Bríet Finnsdóttir léku einmitt saman á útskrift Menntaskólans á Egilsstöðum þann 25. maí. Þessir þrír nemendur hafa verið atkvæðamiklir innan Tónlistarskólans um margra ára skeið, en þau eru öll á leiðinni í háskólanám í haust. Það gleður okkur sérstaklega að Kristófer og Rán sópuðu að sér verðlaunum fyrir frábæran námsárangur í útskriftinni og að Bríet hefur hlotið inngöngu í tónlistardeild Listaháskóla Íslands og mun hefja nám þar í haust. Við munum sakna þessara frábæru nemenda og óskum þeim góðs gengis í framtíðinni.