Fullveldishátíð

Fullveldisdagur Íslendinga var haldinn hátíðlegur í Egilsstaðaskóla fyrsta desember, en þá er sparifatadagur í skólanum og hátíðleg athöfn á sal. Fyrsti desember er einnig dagur íslenskrar tónlistar og var haldið upp á hann með samsöng nemenda og kennara Egilsstaðaskóla við undirleik kennara Tónlistarskólans. Margrét Lára Þórarinsdóttir, söngkennari, leiddi sönginn. Voru nemendur og kennarar búnir að æfa þrjú afar ólík lög til þess að syngja saman, en þau voru Ef ástin er hrein, Saknaðarljóð Gínu ömmu og Hver á sér fegra föðurland. Tónlistarkennararnir bættu svo einu stuðlagi, Snjókorn falla, við í lokin. Við þökkum Egilsstaðaskóla kærlega fyrir ljúfa söng- og samverustund!