Fyrsti kossinn

Leikfélag Menntaskólans á Egilsstöðum setti upp leiksýninguna Fyrsti Kossinn í Slátúrhúsinu nú í febrúar. Sýningin byggir á lögum Rúnars Júlíussonar og því var mikið um tónlist í sýningunni. Eins og oft vill vera með svona viðburði átti Tónlistarskólinn þarna marga núverandi og fyrrverandi nemendur, bæði á sviðinu og í hljómsveitinni, sem stóðu sig alveg frábærlega í sínum hlutverkum í sýningunni. Menntaskólanemarnir stóðu sig alveg stórkostlega í þessu flotta verkefni, í leik, söng og hljóðfæraleik og var alveg dásamlegt að fylgjast með þeim láta ljós sitt skína á þessum vettvangi. Við óskum Leikfélagi Menntaskólans innilega til hamingju með þessar glæsilegu sýningar!