Fyrsti tónfundur skólaársins

Þann 27. október hélt Tónlistarskólinn á Egilsstöðum fyrsta tónfund ársins í hátíðarsal Egilsstaðaskóla. Tónfundir eru svipaðir og tónleikar, en þó ekki eins formlegir. Þeir eru góður undirbúningur fyrir tónleikahald og gera það að verkum að nemendur geti fengið að koma oftar fram. Leikið var á píanó, gítar, og altflautu auk þess að söngnemendur létu að sér kveða. Alls komu þrettán nemendur fram og spiluðu og sungu fjölbreytta tónlist fyrir fjölskyldur sína og aðra viðstadda, sem tóku flytjendum mjög vel. Þetta var mjög ánægjuleg stund og erum við í Tónlistarskólanum afar stolt af þeim prýðilega hópi nemenda sem þarna kom fram.