Fyrstu Dyngjutónleikar skólaársins

Það er óhætt að segja það að tónleikahald skólaársins 2017-18 fari mjög vel af stað. Tónlistarskólinn á Egilsstöðum hélt fyrstu tónleika skólaársins í hjúkrunarheimilinu Dyngju þann 26. september. Alls komu sjö nemendur fram, allt píanónemendur Zigmasar og Tryggva, og stóðu sig mjög vel. Íbúar á Dyngju tóku nemendunum vel sem endranær og áttum við þar ánægjulega stund. Á efnisskrá voru þjóðlög, danslög og sígild verk. Tónlistarskólinn mun heimsækja hjúkrunarheimilið mánaðarlega þetta skólaár. Næstu tónleikar skólans í Dyngju verða þann 24. október og er stefnt að því að bjóða þá fyrst og fremst upp á tónlist sem leikin er á blásturshljóðfæri.