Fyrstu tónleikar ársins á Dyngju

Fyrstu tónleikar Tónlistarskólans á Egilsstöðum þetta skólaárið  í Hjúkrunarheimilinu Dyngju áttu sér stað þriðjudaginn 25 september. Að venju tóku íbúar vel á móti nemendum og áttum við góða stund saman. Að þessu sinni voru flest atriðin leikin á píanó, en þó mátti einnig heyra flautu- og gítarleik. Næstu tónleikar okkar í Dyngju verða þann 23. október og munum við vera með tónleika þar mánaðarlega í vetur. Tónleikarnir á Dyngju eru frábært tækifæri fyrir nemendur okkar að spila fyrir áhorfendur það sem þeir hafa verið að æfa heima og er afskaplega gefandi fyrir okkur að fara með tónlistaratriði inn í Dyngju.