Fyrstu tónleikar ársins á Dyngju

Tónlistarskólinn hélt sína fyrstu tónleika á Dyngju þetta skólaárið þriðjudaginn 26. september, en skólinn heldur tónleika þar mánaðarlega yfir skólaárið. Boðið var upp á píanóleik auk einsöngs- og samsöngsatriða að þessu sinni. Popp- og rokklög voru áberandi á efnisskránni, þó einnig hafi verið um að ræða smávegis jazz innskot. Íbúar tóku nemendum afar vel og var þetta mjög skemmtileg stund. Það er frábært fyrir nemendur okkar að fá reglulega tækifæri til þess að láta ljós sitt skína við fjölbreyttar aðstæður. Við þökkum íbúum og starfsfólki Dyngju innilega fyrir móttökurnar og hlökkum til að koma aftur í heimsókn í næsta mánuði!