Fyrstu tónleikar skólaársins á Dyngju

Fyrstu tónleikar Tónlistarskólans á Egilsstöðum á hjúkrunarheimilinu Dyngju þetta skólaárið fóru fram þriðjudaginn 24. september. Að þessu sinni voru þetta hreinir píanótónleikar, þar sem nemendur Héctors komu fram. Það var margt um manninn á tónleikunum og nemendur stóðu sig með stakri prýði. Á tónleikunum mátti heyra nemendur sem eru nýbyrjaðir að spila á píanó og nemendur sem hafa stundað námið lengur og mátti heyra allt frá samba yfir í háklassíska tónlist. Það er alltaf jafn ánægjulegt að koma í Dyngju með nemendur. Við þökkum íbúum og starfsfólki Dyngju fyrir góðar móttökur og hlökkum til að koma aftur í næsta mánuði!