Fyrstu tónleikar skólaársins í Dyngju

Fyrstu tónleikar Tónlistarskólans í hjúkrunarheimilinu Dyngju voru haldnir þann 24. september, en skólinn heldur tónleika þar mánaðarlega yfir skólaárið. Að þessu sinni var nokkur áhersla á tréblásturshljóðfæraleik og fengu íbúar meðal annars að njóta tónlistar sem leikin var á þverflautu, og saxófón. Einnig voru leikin nokkur verk á píanó af nemendum á ýmsum námsstigum, þar á meðal framhaldsnemum, sem auðvitað þurfa að fá sem oftast tækifæri til þess að koma fram. Tónleikarnir voru í alla staði ánægjulegir og við hlökkum til næstu tónleika í Dyngju, sem verða þann 15. október. Má þá búast við að nokkur áhersla verði á gítarleik.