Gítar og trommu masterklass í Tónlistarskólanum á Egilsstöðum á sunnudaginn

Næstkomandi sunnudag, þann 26. apríl kl. 12.30, munu gítarleikararnir Jón Hilmar Kárason og Guðmundur Höskuldsson ásamt trommuleikaranum Kristni Snæ Agnarssyni halda masterklass í Tónlistarskólanum á Egilsstöðum.

Jón Hilmar mun halda fyrirlestur um gítar og gítarleik og Guðmundur mun tala um gítarsmíði, og viðhald og viðgerðir á gíturum. 

Kristinn Snær mun bjóða upp á fyrirlestur og sýnikennslu í trommuleik.

Einnig munu Jón Hilmar og Kristinn Snær bjóða upp á einkatíma fyrir þá sem vilja.