Gítarmasterclass hjá Arnaldi Arnarsyni

Mánudaginn 3. apríl fékk Tónlistarskólinn afar ánægjulega heimsókn frá Arnaldi Arnarsyni, gítarleikara. Arnaldur hefur verið búsettur á Spáni um árabil þar sem hann kennir við Casa Luthier tónlistarskólann í Barcelona og hafa ýmsir íslenskir gítarleikarar lagt leið sína þangað til þess að læra hjá honum. Gítarnemendur skólans nutu leiðsagnar hans auk þess að hann lék nokkur vel valin gítarverk fyrir nemendur og kennara skólans. Þetta var mjög lærdómsrík stund fyrir nemendur okkar og erum við afar lánsöm að fá svona frábæra kennara eins og Arnald í heimsókn. Við þökkum Arnaldi og Tónlistarmiðstöð Austurlands kærlega fyrir þetta!