Gítarnámskeið hjá Jóni Hilmari Kárasyni

Laugardaginn 19. nóvember fóru fram gítarnámskeið og tónleikar í Sláturhúsinu með stuðningi Tónlistarskólanna á Egilsstöðum og í Fellabæ, Tónlistarmiðstöðvar Austurlands og Menntaskólans á Egilsstöðum. Á námskeiðinu kenndi Jón Hilmar Kárason nemendum ýmis grundvallaratriði í rytmísku gítarnámi og talaði um ýmsa mikilvæga þætti þegar kemur að tónsköpun og tónlistarflutningi. Námskeiðið var jákvætt og uppbyggilegt innlegg inn í gítarnámið hjá mörgum nemendum okkar, en sjö gítarnemar í Tónlistarskólanum á aldrinum 7-15 ára skráðu sig til þátttöku. Tónlistarskólinn þakkar Jóni Hilmari innilega fyrir komuna til Egilsstaða, enda munu nemendur búa að þessari reynslu um ókomna tíð.