Góður námsárangur hjá nemendum skólans

Nemendur Tónlistarskólans sýndu margir hverjir mjög góðan námsárangur á liðnu skólaári. Sex nemendur kláruðu grunnpróf á hljóðfæri og í söng, allir með góðum árangri. Auk þess fengu fjórir nemendur sem áður höfðu þreytt grunnpróf á hljóðfæri fullgild prófskírteini í ár með því að klára grunnpróf í tónfræðigreinum. Einn nemandi þreytti svo miðpróf í söng og annar framhaldspróf, en það er auðvitað mikið afrek. Auk áfangaprófanna tóku fimm nemendur fyrsta stig, fjórir annað stigspróf, einn þriðja og einn nemandi lauk sjötta stigi. Margir nemendur náðu einnig mjög góðum árangri í tónfræðigreinum og kláruðu til að mynda sjö nemendur grunnpróf í tónfræðigreinum.