Góður námsárangur í Tónlistarskólanum

Nemendur Tónlistarskólans náðu margir hverjir mjög góðum námsárangri á haustönn 2016. Þetta mátti sjá og heyra á hinum fjölmörgu viðburðum sem haldnir voru á önninni, en einnig á árangri nemenda í prófum. Yfirleitt taka nemendur stigspróf á vorönn, en tveir þreyttu þó stigspróf á gítar í haust, annars vegar annað stig og hins vegar þriðja stig samkvæmt Rock School kennsluaðferðinni. Nemendur náðu lika mjög góðum árangri í tónfræði á haustönninni, en alls luku 19 nemendur fyrsta stigs prófi í tónfræði, 7 nemendur luku öðru stigi, einn lauk grunnprófi og fjórir luku 4. stigi. Þó að próf séu vissulega ekki eini mælikvarðinn á námsárangur má þó sjá að margir nemendur skólans hafa orðið margs vísari um tónlist hingað til á þessu skólaári!