Grease

Útsýnið úr hljómsveitargryfjunni!

Árshátíð elsta stigs Egilsstaðaskóla var haldin með pompi og prakt miðvikudaginn 29. nóvember kl. 19.30. Viðfangsefnið var söngleikurinn Grease og stigu nemendur á stokk og sýndu hæfileika sína í leik, söng og dansi fyrir fullum sal við mikinn fögnuð áhorfenda. Í fjölda söngatriða nutu nemendurnir stuðnings hljómsveitar tónlistarskólans þar sem nemendur og kennarar skólans léku m.a. á fiðlur, selló, saxófón, píanó, gítar, bassa og trommusett og nutu nemendur leiðsagnar frá kennurum tónlistarskólans. Þetta samstarf skólanna er allt hið blómlegasta. Við óskum Egilsstaðaskóla til innilega hamingju með glæsilega árshátíðarsýningu og hlökkum til að taka upp þráðinn að nýju á næsta ári!