Heimsókn frá Tjarnarlandi

Tónlistarskólinn fékk alveg sérstaklega skemmtilega heimsókn frá leikskólanum Tjarnarlandi miðvikudaginn 23. apríl. Þá komu elstu nemendur leikskólans til okkar og fengu leiðsögn um skólann. Börnin fengu að heyra í fjölbreyttu úrvali hljóðfæra og að hitta tónlistarkennara og tónlistarnemendur, sem spiluðu ýmislegt fyrir börnin. Nemendurnir ungu voru mjög áhugasamir og til fyrirmyndar í alla staði í heimsókninni og það var virkilega gaman að sýna þeim skólann okkar. Við vonumst svo að sjálfsögðu til að sjá sem flest þeirra í skólanum í haust, en nemendur í fyrsta bekk fara yfirleitt í forskólann hjá okkur. Við þökkum leikskólanum kærlega fyrir þessa frábæru heimsókn!