Heimsókn Berglindar Maríu Tómasdóttur

Nemendur í spunatíma hjá Berglindi

Fimmtudaginn 16. og föstudaginn 17. febrúar nutu flautunemendur við Tónlistarskólann þess að fá Berglindi Maríu Tómasdóttur í heimsókn, en hún er flautuleikari og sérfræðingur í flutningi á nútímatónlist. Hún hélt spunanámskeið í Tónlistarskólanum fyrir lengra komna flautunemendur og er óhætt að segja að þarna hafi nemendur fengið að upplifa alveg nýjan vinkil á flautuleik. Á föstudagskvöldinu var síðan hópferð í Tónlistarmiðstöðina á Eskifirði, þar sem nemendur fengu að heyra margskonar flaututónlist í flutningi Berglindar og var þar ýmislegt mjög nýstárlegt í boði. Hápunkturinn á þessari heimsókn var svo þegar nemendur fengu að flytja glænýtt spunaverk ásamt Berglindi í lok tónleikanna.