Heimsókn frá Akureyri

Tónlistarskólinn fékk skemmtilega heimsókn núna í vikunni, en hingað komu blásarasveitir Tónlistarskólans á Akureyri og voru í nokkra daga á tónleika- og skemmtiferðalagi um Austurland. Sveitirnar spiluðu á nokkrum stöðum og héldu m.a. tónleika á Seyðisfirði og spiluðu í Vök Baths áður en þau skelltu sér ofan í laugarnar. Þau héldu svo glæsilega tónleika í Egilsstaðakirkju miðvikudagskvöldið 15. júní þar sem tvær hljómsveitir léku listir sínar og er óhætt að segja að á þeim hafi heldur betur verið mikið fjör. Við þökkum þessum frábæru gestum kærlega fyrir komuna og vonum innilega að þeir hafi notið dvalarinnar í blíðunni hér eystra!