Heimsókn frá Finnlandi og vortónleikar á Dyngju

Í lok skólaársins fengum við skemmtilega heimsókn frá Finnlandi. Tveir finnskir tónlistarkennarar, Pauliina og Heikki Vuorinen, komu til okkar á vegum Erasmus+, en Pauliina er söngvari og Heikki píanóleikari. Föstudaginn 19. maí heimsóttu þau skólann okkar og ræddu við kennarana okkar og sögðu okkur ýmislegt um það hvernig tónlistarkennsla fer fram í Finnlandi. Mánudaginn 22. maí komu þau aftur til okkar og héldu stutt námskeið um sjálfsöryggi fyrir söngvara. Þau spiluðu svo og sungu á vortónleikum skólans í hjúkrunarheimilinu Dyngju seinni partinn sama dag, en nemendur skólans komu einnig fram á þeim tónleikum.