Heimsókn frá Ítalíu

Ítalski píanóprófessorinn ​Giorgia Alessandra Brustia heimsótti Tónlistarskólann þann 9. nóvember og nutu nokkrir af lengra komnum píanónemendum skólans leiðsagnar hennar. Hún kennir við tónlistarháskólann Conservatorio Claudio Monteverdi í Bolzano á Ítalíu og kenndi einnig við Menntaskólann í tónlist og Listaháskóla Íslands á meðan hún var hér á landi. Með henni í för var Berta Dröfn Ómarsdóttir, sópransöngkona, en þær voru á tónleikaferðalagi um landið. Að lokum héldu Brustia og Berta örtónleika saman og nutu söng- og píanónemendur þess að hlusta á glæstan samleik þeirra í nokkrum ítölskum söngljóðum og aríum. Við þökkum þeim Bertu og Giorgiu Alessöndru kærlega fyrir komuna!