Heimsókn frá Tjarnarlandi

Nemendur voru sérstaklega áhugasamir um básúnu!

Við fengum heldur betur skemmtilega heimsókn á föstudaginn, en þá komu elstu börnin af Tjarnarlandi, tilvonandi nemendur í fyrsta bekk, til okkar í Tónlistarskólann. Nemendurnir voru til fyrirmyndar í alla staði og mjög áhugasamir. Þeir fengu leiðsögn um skólann og fengu að kíkja í ýmsar stofur og sjá hvað var í gangi, en þar inni mátti sjá kennara og tónlistarnemendur sem fannst mjög gaman að leika listir sínar fyrir hina ungu gesti. Við þökkum nemendum og kennurum á Tjarnarlandi kærlega fyrir innlitið og vonumst til að sjá sem flesta nemendur úr þessum risastóra árgangi í tónlistarskólanum hjá okkur í haust!