Heimsókn frá Tjarnarlandi

Tónlistarskólinn fékk afskaplega skemmtilega heimsókn mánudagsmorguninn 23. mars, en þá komu til okkar elstu nemendurnir frá leikskólanum Tjarnarlandi. Þessir nemendur eru greinilega margir væntanlegir til okkar í Tónlistarskólann í haust, miðað við áhugan sem þau sýndu hér í skólanum. Nemendurnir fengu leiðsögn um skólann og fengu að hitta tónlistarkennara og nemendur og fengu að heyra spilað á ýmis ólík hljóðfæri út öllum helstu hljóðfærafjölskyldum. Gestirnir ungu voru til fyrirmyndar í alla staði og greinilega mjög forvitnir um tónlist og hin ólíku hljóðfæri. Við þökkum leikskólanum kærlega fyrir heimsóknina og hlökkum virkilega til að kynnast mörgum þessara nemenda betur í haust!