Heimsókn frá Tjarnarskógi

Mynd eftir by La-Rel Easter

Það var líf og fjör í Tónlistarskólanum mánudaginn 18. og föstudaginn 22. mars, en þá fengum við elsta árganginn frá leikskólanum Tjarnarskógi í heimsókn. Leikskólakrakkarnir fengu fyrst að heyra skólastjóra Tónlistarskólans spila fyrir þau óskalag. Svo fengu þeir að labba um skólann og kíkja inn í allar stofur þar sem þau hittu fyrir hina ýmsu kennara og fengu að heyra í ýmsum hljóðfærum og í söng. Að lokum komu allir við í tónmenntastofunni þar sem nemendur fengu að heyra um forskóla Tónlistarskólans og fengu allir að prófa blokkflautu. Nemendurnir voru duglegir og áhugasamir og var frábært að fá þessa heimsókn!