Heimsókn leikskólabarna

Charles sýnir nemendum selló

Þann 6. mars fékk Tónlistarskólinn stórskemmtilega heimsókn frá framtíðarnemendum, en þann dag komu elstu nemendurnir frá leikskólanum Tjarnarlandi að skoða skólann. Nemendur fengu að kíkja inn í hinar ýmsu stofur og hitta tónlistarkennarana, fengu að heyra þá og nemendur þeirra spila og syngja og fræddust um hljóðfæri og um Tónlistarskólann. Að lokum fengu þau kynningu á forskóla Tónlistarskólans og fengu að prófa ýmis hljóðfæri sem þar eru notuð, en fyrsta skref flestra í tónlistarnáminu er einmitt í forskólanum. Það var afskaplega gaman að fá þessa ungu og áhugasömu gesti í heimsókn og þökkum við þeim kærlega fyrir komuna til okkar!