Heimsókn leikskólabarna í Tónlistarskólann

Tónlistarskólinn fékk stórskemmtilega heimsókn miðvikudaginn 20. maí, en þá kom elsti árgangurinn á leikskólanum Tjarnarlandi til okkar að skoða skólann. Börnin voru mjög áhugasöm og fengu þau að labba um skólann, hitta tónlistarkennara og nemendur og heyra í hinum ýmsu hljóðfærum. Meðal þeirra hljóðfæra sem nemendurnir fengu að sjá og heyra voru píanó, selló, þverflauta, saxófónn, klarínetta, básúna, trompet, blokkflauta, rafmagnsgítar, bassi, trommusett og söngröddin. Krakkarnir voru duglegir að syngja fyrir okkur líka og spurðu margra góðra spurninga. Það er alveg ljóst að í þessum hópi eru margir upprennandi tónlistarnemendur sem við hlökkum til að fá í skólann í haust!