Hljóðfærakynning

Nemendur fá að sjá inn í píanó

Þann 4. maí héldu kennarar Tónlistarskólans hljóðfærakynningu fyrir nemendur í 2., 3. og 4. bekk Egilsstaðaskóla. Kennararnir kynntu hljóðfærafjölskyldurnar og sýndu og spiluðu á fjölbreytt úrval tréblásturs-, málmblásturs-, strengja-, ásláttar- og hljómborðshljóðfæra. Söngröddin var líka til umfjöllunnar og nemendur fengu að heyra sýnishorn af þeirri fjölbreyttu raddbeitingu sem notuð er í mismunandi söngstílum og spreyttu sig á hinum sígilda keðjusöng, „Sá ég spóa“. Nemendur voru áhugasamir, skemmtu sér vel og lærðu mikið. Það er okkur í Tónlistarskólanum sönn ánægja að stunda fræðslustarf af þessu tagi og þökkum við Egilsstaðaskóla kærlega fyrir tækifærið til þess að kynna hljóðfærin fyrir nemendum skólans.