Hljóðfærakynning

Tónlistarskólinn var með hljóðfærakynningu í Egilsstaðaskóla fyrir 2., 3., og 4. bekk skólans mánudaginn 18. maí. Fengu nemendur að kynnast hljóðfærum úr öllum hljóðfærafjölskyldum, en kennarar spiluðu, sungu og sýndu fjölbreytt úrval hljóðfæra. Sum hljóðfæri voru kunnugleg fyrir nemendur, svosem eins og píanó og gítar, en önnur vöktu hreinlega undrun hjá mörgum þeirra, eins og risastóri kontrabassinn. Og það var greinilega vinsælt hjá nemendum að heyra lög úr Harry Potter og Star Wars. Nemendur voru afar áhugasamir um hljóðfærin og spurðu margra góðra spurninga um þau og um námið í tónlistarskólanum. Við þökkum Egilsstaðaskóla fyrir að bjóða okkur í heimsókn!