Hljóðfærakynning í Egilsstaðaskóla

Nýi víbrafónninn

Kennarar Tónlistarskólans héldu hljóðfærakynningu í sal Egilsstaðaskóla föstudaginn 15. maí fyrir 2., 3. og 4. bekk skólans. Nemendur fengu að sjá og heyra í nokkrum vel völdum hljóðfærum og fengu innsýn inn í það hvernig þau virka. Strengjahljóðfæri, blásturshljóðfæri, slagverkshljóðfæri, hljómborðshljóðfæri og söngröddin komu þarna öll við sögu og nemendur fengu sjálfir að nota söngröddina svolítið. Það er gaman að segja frá því að nemendur fengu meðal annars að heyra í nýjum víbrafón Tónlistarskólans, en þetta var í fyrsta sinn sem leikið var á hann fyrir áheyrendur. Við þökkum nemendum og kennurum Egilsstaðaskóla kærlega fyrir frábærar móttökur!