Hljóðfærakynning í Egilsstaðaskóla

Tónlistarskólinn var þeirrar gæfu aðnjótandi að fá að halda hljóðfærakynningu fyrir nemendur í 2.-4. bekk Egilsstaðaskóla föstudagsmorguninn 28. maí. Kennarar skólans sýndu mörg af þeim hljóðfærum sem hægt er að læra á í Tónlistarskólanum og spiluðu og sungu fyrir nemendur. Fengu nemendurnir að sjá og heyra slagverkhljóðfæri, málmblásturshljóðfæri, tréblásturshljóðfæri, strengjahljóðfæri (bæði rafmögnuð og órafmögnuð!), hljómborðshljóðfæri og söng. Kynningin endaði á rokklagi með brjáluðu gítarsólói og þá ætlaði allt um koll að keyra! Nemendurnir voru mjög áhugasamir og vonandi hafa einhverjir séð hljóðfæri sem vekja áhuga hjá þeim. Við þökkum Egilsstaðaskóla kærlega fyrir að leyfa okkur að hitta þessa skemmtilegu nemendur!