Hópatónleikar

Tónlistarskólinn hélt stórtónleika miðvikudaginn 25. maí í salnum í Egilsstaðaskóla, en þá spiluðu aðallega nemendur sem eru skráðir í hópkennslu við skólann, þ.e.a.s. forskólanemendur og nemendur í sönghópum. Nemendur stóðu sig alveg frábærlega í að spila og syngja fyrir fullu húsi af foreldrum og öðrum áheyrendum, en margir flytjendur voru að spila á tónleikum í fyrsta sinn. Fyrsta atriðið var sérstaklega veglegt, en nemendur í mörgum forskólahópum tóku þátt í því ásamt söngnemendum. Flutti þessi risastóri hópur We Will Rock You með Queen við góðar undirtektir áheyrenda. Við óskum öllum þessum frábæru nemendum til hamingju með alveg sérstaklega flotta tónleika!