Hópatónleikar

Tónlistarskólinn hélt tónleika miðvikudaginn 24. maí í Egilsstaðaskóla þar sem fram komu nemendur sem stunda nám í ýmsum hóptímum. Meðal þeirra sem komu fram voru nemendur í forskólum skólans og það var mjög gaman að sjá þessa yngstu nemendur syngja og spila, en fyrir marga þeirra var þetta fyrsta skiptið sem þau komu fram á tónleikum. Tónleikarnir byrjuðu til að mynda á stóru, litskrúðugu atriði með öllum fyrstubekkingunum. Á tónleikunum mátti líka heyra nemendur úr sönghópunum hennar Möggu Láru, en hún fékk líka gestahljóðfæraleikara með. Við óskum þessum nemendum innilega til hamingju með flotta tónleika og þökkum þeim fyrir skemmtunina!