Hópatónleikar

Fimmtudagskvöldið 30. maí fóru fram síðustu tónleikar skólaársins í Tónlistarskólanum. Þetta voru hópatónleikarnir okkar, en á þeim koma fram nemendur sem stunda nám í hópkennslu, þ.e.a.s. forskóla og sönghópum, auk hljómsveita á vegum skólans. Það eru ansi margir nemendur sem stunda nám í ýmsum hópum í skólanum og voru þetta fjölmennir, fjölbreyttir og skemmtilegir tónleikar. Það var ekki síst gaman að sjá nemendur í forskólanum stíga á svið, en yngstu nemendur skólans eru þarna flestir að stíga sín fyrstu skref sem tónlistarflytjendur. Við óskum nemendunum innilega til hamingju með glæsilega frammistöðu og þökkum foreldrum fyrir komuna og stuðninginn við nemendurna!