Hreinn Halldórsson sjötugur

Kennari og nemandi á leið á svið

Laugardaginn 2. mars var sannkölluð tónlistarveisla í Valaskjálf þegar Hreinn Halldórsson hélt upp á sjötugsafmæli sitt með mikilli dagskrá sem samanstóð af fjölbreytilegu úrvali tónlistar eftir afmælisbarnið sjálft. Heyra mátti kóra, samsöngshópa, einsöng og hljóðfæraleik og var almenn ánægja með dagskrána. Nemendur, bæði núverandi og fyrrverandi, og kennarar Tónlistarskólans á Egilsstöðum lögðu sitt af mörkum til viðburðarins. Bjarmi, sonur Hreins, útsetti flest lögin, en hann er fyrrverandi nemandi skólans og stundaði nám þar í yfir áratug, áður en hann hélt svo í tónlistarnám við Listaháskóla Íslands. Við óskum Hreini innilega til hamingju með stórafmælið og þökkum honum kærlega fyrir tónlistina!