Í hjarta Hróa Hattar

Leikhúshljómsveitin

Það var mikið um dýrðir í Egilsstaðaskóla fimmtudaginn 29. febrúar, en þá settu 4.-7. bekkur skólans upp leikritið Í hjarta Hróa Hattar. Tónlistin í sýningunni er eftir Sölku Sól og var leikhúshljómsveitin mönnuð nemendum og kennurum úr Tónlistarskólanum. Tónlistarstjóri var Tryggvi Hermannsson. Nemendur Tónlistarskólans voru einnig mjög áberandi í söngatriðum á sýningunni. Óhætt er að segja að sýningin hafi slegið í gegn og nemendur haft bæði gagn og gaman af að setja leikritið upp. Fyrir tónlistarnemendurna sem tóku þátt var þetta mjög góð reynsla í samspili, söng á sviði og vinnubrögðum sem tengjast leikhústónlist. Við þökkum Egilsstaðaskóla kærlega fyrir samstarfið!