Íslenskir tónar

Tónlistarfélag Menntaskólans á Egilsstöðum hélt glæsilega tónleika undir yfirskriftinni „Íslenskir tónar“ í Sláturhúsinu föstudagskvöldið 7. október. Á tónleikunum mátti heyra fjölda íslenskra laga í flutningi nemenda ME. Margir þessara nemenda, meðal annars formaður tónlistarfélagsins, eru einmitt líka nemendur í Tónlistarskólanum. Það er afar ánægjulegt að sjá ungt tónlistarfólk eiga frumkvæði að flottum verkefnum eins og þessu, enda er það markmið tónlistarskólans að nemendur geti iðkað tónlist upp á eigin spýtur. Við óskum Tónlistarfélagi ME innilega til hamingju með þennan veglega viðburð!