Íslenskir tónleikar TME

Tónlistarfélag Menntaskólans á Egilsstöðum hélt flotta tónleika með íslenskri tónlist föstudagskvöldið 8. nóvember í Valaskjálf. Fluttu nemendurnir marga þekkta slagara úr íslenskri popp- og rokksögu með glæsibrag og miklum tilburðum. Tónlistarskólinn á Egilsstöðum átti þarna sína fulltrúa á sviði, bæði söngvara og hljóðfæraleikara og bæði fyrrverandi og núverandi nemendur. Tónlistarfélag ME hefur verið í miklum blóma undanfarin ár og gaman fyrir okkur sem eldri erum að fylgjast með orkunni, eljunni og hugrekkinu sem nemendur sýna þegar þeir takast á við verkefni af þessum toga, bæði hvað varðar tónlistarflutning, hugmyndavinnu og skipulagningu. Við óskum TME innilega til hamingju með glæsilega tóneika!