Íslenskt popp og rokk

Það var heldur betur stuð í Valaskjálf laugardagskvöldið 18. nóvember, en þá hélt Tónleikafélag Austurlands tónleika með íslenskum popp- og rokklögum til styrktar geðheilbrigðismálum á Austurlandi. Hljómsveitin Óvissa var þar í stærsta hlutverkinu og þarna átti skólinn bæði kennara og fyrrverandi nemendur á sviði. Á undan stigu menntaskólanemendur á svið, bæði Ína Berglind með frumsamin lög og svo Tónlistarfélag Menntaskólans á Egilsstöðum, en í því á skólinn einnig bæði núverandi og fyrrverandi nemendur. Unga kynslóðin stóð sig alveg frábærlega. Tónleikarnir voru vel sóttir og áhorfendur tóku flutningnum afskaplega vel. Við óskum Tónleikafélagi Austurlands innilega til hamingju með vel heppnaðan viðburð!